ياعراق

قصيدة (يا عراق) للشاعر سجاد سيد محسن
ويا عراق ...
الزمن كله انحنالك باشتياق
ناسي ذكره ...
شما تهدم حدر جدمه تنبني
هل زمن منصف حقيقي
ولفه وي الناس ساواه بالحقوق
وانت خاطر
اسمه ممنوع اعله خاطر
ولو نجي الواقع نشوفه
انشوف جارك
يرسل ابروحه فقاعه
محملة ابكومة قنابل
ويا عراق...
ما اعاتب لكن انا مستحي
ميده كَاعك يا وطن واحنه الطحن
والتدور الساعة وي دور الرحي
وبيك عاذل
ابنفخة يمسح من ترابه اوجوه ذله
وانت تبقى
دم غزال وصح حلو لكن مباح
وحبره صاير
يكتب اعله اسمك تراه الينمحي
ويا عراق....
شلون شيبات الحديد سيوف
وانت شيباتك فوارس
يل مناره وعلم رمشك
وهامتك كَبه وجبل وشما حفَر
يلكَه قمة ابكل مكان
وتلعب اعله اضواك كَمره ويه المحاق


لو كشفت الهدم مره
تلكَه نخله
وجنه تجري
من تحتهه انهار نفطك
وتلكَه ظلمه
معانكَه النور بترافه
وسكَفك الصاير فضاء
يا عراق ....
اكتشفنه ظلم نعتب
عالحقيقة
وأنت بيك الأبرياء

الشاعر سجاد سيد محسن