ياخلي ماانصفت

ياخلي ماانصفت
ـــــــــــــــــــــــــــــــــــــ حسين الهلالي
ياخلي ما انصفت وياي باللي صار
سنة اليروح ابسفر ايودع البل دار
تكلي خطبني الترف لازم اروح اوياه
ذاك المعاشر مضى ياوسفتي تنساه
اسنين اداوي الجرح وجرحك ليك ادواه
×× ×× ×× ×× ×× ××
أصبر وانا مرتجي على الرمح خلّني
روح ارحل ابراحتك يلمبتعد عني
جن لاعرفتك كبل جن غلطتي جني
حسيت انا بالغلط لكن مشيت اوياك
يلي ابمسيرك عذب وبصوتك اوملكاك
صرت آنه بيك اشكثر مغرم يخلي اهواك
مايوم عني ابعدت حاضر اكبالي الكاك
ابلحظه اتغيرت شنهو الفاك اوجاك
×× ×× ×× ×× ×× ×× ××
بسرعه علي بدلت وعليّ هم اجنيت
وسهام وسط الجبد وبروحي سم فتيت
بجلمة وداع ابخلت لذاك التعب جازيت
ردت اوكف ابزفتك لموادعك حنيت
×× ×× ×× ×× ×× ×× ××
عيب اوكباحة علي يلما سمعت انداي
اتجلد ابمشيتي من امر يم اعداي
عالي عبيره الهوى من يهب مني جاي
ظليت ارفن علم لحباب اليّ اهواي