مر علينه

مرعلينه
ـــــــــــــــــــــــــــــ
مرعلينه لاتطول غيبتك
يلي روحي بوكل وعيهه حبتك
انت اخر منيتي وحلمي الطويل
وانت نسمة صبح مرت عل دليل
وانت جيت وزحت كل ذيج الأوهام
بعد ماخيم على روحي الظلام
انت مثل البدر وشرق بالتمام
ياتميمه وحاملك وسط الكلب
ياحرز يطرد اوهامي بوحدتي
هاك كلبي وجلبه اوشوف التعب
انت سالفتي الطويله بوحدتي
×× ×× ×× ×× ×× ××
ياصحو ليلة ربيع
ومنت عليه بنداهه
وصارت الدنيه اشوسعهه
وطافت الروح بفضاهه
مرعلينه احن نتنطرهلالك
مرعلينه يلي تتباهه بجمالك
مرعلينه احنه يفرحنه وصالك
مرعلينه كل دقيقة ماتمر
ايروح من عمري دهر
مرعلين لاتطول بالسفر
مرعلينه ذبل عيوني السهر
كلبي مارف لعد غيرك
لا ولا كلم بشر
انت صرت سالفتي من اسولف
وانت مخلص كل كلامي
وبصحوتي من اكومن
وانت احلامي ابمنامي
وانت مصدر قوتي
ومصدر الهامي
آنه من اعماقي اصيحن مرعلينه
وبسوالفنه اعتقد تونه بدينه