الرئيسية
أحدث الصور
من طرف ( هذه القصيدة ارسلها لي من الناصريه الزميل باسم صاحب
وهي من ابرز ماشتهرت به القصيده الشعبيه خلال عقود
شاعرها الكبير الراحل عبد الواحد معله ... مناصدقائه في الشطره الاستاذ حسين الهلالي والراحل الشاعر عبد الواحد الهلالي .... انشرها احياء لذكرى الرموز المبدعه
********************************** رحيم *******
الخرانيب
رائعة :عبد الواحد معله
امنيدي وياذنب تجينه الايام اشيجني السكه العوسج والخرانيب
آنه ومو سواي ابهاي ينلام لان ما اثرّت بيّ التجاريب
***********
كل ما صار بيّ حيل وياي استاهل بعد .... اكثر.... واكثر
جي ماحسّبت لحساب دنياي واللي صابني لاتظن أثّر
آنه احركت روحي وشمعةاصباي اضوّي لعد غير خاف يعثر
حسبالي الفضل بالفضل ينسام وبالطيب ايتجازه اليعمل الطيب
اثاريني جليل الراي وهّام اريد امن العواهر تعرف العيب
***********
على نفسي جنيت وما توانيت ولا كعّيت روحي .. وحاسبتها
وهسه اتشوف بتله الظعن ظلّيت وعافتني الرفاكه ..الما عفتها
عود الساعه حسّيت وتوعّيت عكب ما ذبت بعيني خفتها
بالخطه نكدته امرصرص ونام ألجه وصار منكد للواعيب
يمين الله لحط جويه اعله الابهام جويه التظل تدّي لآ خر الشيب
*********
ولو جويات كثره الغدت بالايد اشما يبرن الي منهن علامه
يهونن لاجن اليكلفني ويجيد والاكثر على نفسي الملامه
بسبب مديت ايدي وحطو القيد بيها الجنت اظن بيهم شهامه
والجنت اعتقد للقيد فصّام وعليه جنت آنه احنن حنة النيب
جتّفني و رماني ابّير الاعدام ولايلحك علي شيخ الجلاليب
**********
جان الواجب باول المهداد اشوفه اكحيل لو بس المحاجيل
وعود اعليه اراهن لو شفت جاد ابعزمه وصاريركض بأول الخيل
وكلت من عثر هاذي عثرة اجياد وخدعتني معارف تفش وشليل
اتمايز شكل وانظر الهندام لجن ياخيبة اللي المبراهنه* ايخيب
الكد بيه ما يوصل للجدام ابمجانه وغلبته حتى المغاليب
**********
غير ايكون وحده ..اثنين وتصير عبره واعتبر عبره الزماني
غير ايكون اكوم احسن التدبير وخلّي هاي ترجيه بذاني
غير ايكون عندي ايصي تفكير واعي واحذر امنتللي جواني
كل هذا وانه ساهي الفكر خام ابوهم حدار نوبه ونوبه تغريب
امن ايدي وياذنب تجنيه الايام اشيجني السجه العوسج والخرانيب
آنه ومو سواي ابهاي ينلام بسبب ما اثرت بيّ التجاريب
---------------------------
وهي من ابرز ماشتهرت به القصيده الشعبيه خلال عقود
شاعرها الكبير الراحل عبد الواحد معله ... مناصدقائه في الشطره الاستاذ حسين الهلالي والراحل الشاعر عبد الواحد الهلالي .... انشرها احياء لذكرى الرموز المبدعه
********************************** رحيم *******
الخرانيب
رائعة :عبد الواحد معله
امنيدي وياذنب تجينه الايام اشيجني السكه العوسج والخرانيب
آنه ومو سواي ابهاي ينلام لان ما اثرّت بيّ التجاريب
***********
كل ما صار بيّ حيل وياي استاهل بعد .... اكثر.... واكثر
جي ماحسّبت لحساب دنياي واللي صابني لاتظن أثّر
آنه احركت روحي وشمعةاصباي اضوّي لعد غير خاف يعثر
حسبالي الفضل بالفضل ينسام وبالطيب ايتجازه اليعمل الطيب
اثاريني جليل الراي وهّام اريد امن العواهر تعرف العيب
***********
على نفسي جنيت وما توانيت ولا كعّيت روحي .. وحاسبتها
وهسه اتشوف بتله الظعن ظلّيت وعافتني الرفاكه ..الما عفتها
عود الساعه حسّيت وتوعّيت عكب ما ذبت بعيني خفتها
بالخطه نكدته امرصرص ونام ألجه وصار منكد للواعيب
يمين الله لحط جويه اعله الابهام جويه التظل تدّي لآ خر الشيب
*********
ولو جويات كثره الغدت بالايد اشما يبرن الي منهن علامه
يهونن لاجن اليكلفني ويجيد والاكثر على نفسي الملامه
بسبب مديت ايدي وحطو القيد بيها الجنت اظن بيهم شهامه
والجنت اعتقد للقيد فصّام وعليه جنت آنه احنن حنة النيب
جتّفني و رماني ابّير الاعدام ولايلحك علي شيخ الجلاليب
**********
جان الواجب باول المهداد اشوفه اكحيل لو بس المحاجيل
وعود اعليه اراهن لو شفت جاد ابعزمه وصاريركض بأول الخيل
وكلت من عثر هاذي عثرة اجياد وخدعتني معارف تفش وشليل
اتمايز شكل وانظر الهندام لجن ياخيبة اللي المبراهنه* ايخيب
الكد بيه ما يوصل للجدام ابمجانه وغلبته حتى المغاليب
**********
غير ايكون وحده ..اثنين وتصير عبره واعتبر عبره الزماني
غير ايكون اكوم احسن التدبير وخلّي هاي ترجيه بذاني
غير ايكون عندي ايصي تفكير واعي واحذر امنتللي جواني
كل هذا وانه ساهي الفكر خام ابوهم حدار نوبه ونوبه تغريب
امن ايدي وياذنب تجنيه الايام اشيجني السجه العوسج والخرانيب
آنه ومو سواي ابهاي ينلام بسبب ما اثرت بيّ التجاريب
---------------------------
» قصيدة هبة الله للشاعر العراقي عبدالله النائلي
» رثائية حبيب للشاعر العراقي عبدالله النائلي
» تعبان مثل العشگ
» اشتقت اليـــــــك
» اخاف عليك من روحي
» نهر عطشان
» مرثية ليست اخيرة
» رحيم الغالبي ..... لك العافية
» تجليات الفنان الفطري حمد ماضي