نهر عطشان

نهر عطشان

سامي عبد المنعم
الى صديقي ورفيق دربي الذي غادرنا
بهدوء في عجالة فائقة الشاعر والعاشق
رحيم مزهر الغالبي

يميزان الشرف لو عسعس الخوف
يفخر الناصرية أوشمعة البيت
يا هيبة الشطرة أو صفنة الماي
ما طخيت راسك ولا ذليت
عدل حته إبمماتك وهم اموات
وترفض زيفهم حته التوابيت
اخبرك وحگ عينك يبو الطيبات
العراق ابكل رموزه إعليك حزنان
لو تدري اشكثر هلتلك إدموع
حته الشط بقه إبلياك عطشان
يا طولة خلگ دامن على الظيم
يا نشوة قصيدة إبراس سكران
الشعر ينشد عليك ابشوگ ملهوف
لان إنت القوافي الشعر عنوان
ما نبچيك دمعة أو نلبس السود
لانك غادرتنا إبعزم سفان
نام ابكل عوافي أو جسرك الطين
إيظل بگلوبنا للطيبة نيشان

الشعر ينشد عليك ابشوگ ملهوف
لان إنت القوافي الشعر عنوان

كلمات غاية في الروعه فعلا مؤثره في النفس..عاشت الايادي