شعر / روحي وروحك

آه ياروحي وروحك يلي جيت
انت قاصدني صحيح اوماخطيت
روحي ذبلها السهر وتعذبيت
وآنه من دنياي صدك ماجنيت كلها صدمات او قهر
وهاي لوعات الدهر
لجن ابكلبي صفه بس الوتر
وانت جيت وداعبت ذاك الوتر
بضحكه مثل البدر بددت الظلام
آ يروحي الخيم عليها الظــــــــــلام
ومن زمان آني اتركت ذاك الكلام
وراحت ايام الصبا وذيج الأحلام
×× ×× ×× ×× ×× ×× ×× ××
وانت جيت العطش ذبك ياحمامة
منهو دلاك على مايي
وأنه قافله ابميت قفل
وفتح يصعب موسهل
انت سموك الحمامه
اتطير بجناحك تجي من غير باب
وسما ربك من بناها لكل عبادة
وانت طاير
تنظر عيونك لعد كل البشر
والمياه الجاريه بوسط النهر
هي مامخصوبه تدري
اوحلال عليك من تشرب وتروي

جان ما كربت يمي
وفرت تعبك وتعبي
وما شربت الماي مني
وبرقيق الصوت ماناديني
وينك يعمري
روحي لمن تعبتها
وجسمي بودادك عليل
وصار هذا الحال يااجمل خليل
×× ×× ×× ×× ×× ×× ××
امشي اتوجه على صبري
وقربى لله اليدليني على دربي
ورقت الحالي الطيور
حتى صارتلي صداقه ويطيور
وطيرمايعرف غريب
خاف مني علىالطيور
وقررت ماطب شريعة
حتى لافززلي طائر
وانا حاير
وانت طائر
ليش غادرت الطيور
وعشك اصبح خالي واظلم
وتركتنا وهاجت عليه احزاني
هاي تاليت زما ني
×× ×× ×× ×× ×× ×× ××
اصبحت آنه المضحي
جسر لليعبر عليه
مايخلف0000
لا00ولا يزرون بيه
ولاينكروني ويروح الطيب ذاك
بس ترى هذا يروحي
بطلي وهيدي وهجعي
جنت صادق وي خلي
وهو صادق
حيث نورلي ظلمتي
بجلمه من التفت ليه
قال
( اصبر على حكم الليالي) (1)
يلرخصت دمعك الغالي
آنه" اقسم عليك بدلالي
وبطلسم عيني وجمالي
اصبر تجلد لاتبالي
اهتزيت وتكطع وصالي
كلت وين رايح ياغزالي
ويظل مرتعك بحشاي خالي
بس جلمه ظلتلي على بالي
ناديت بيها بصوت عالي
تر الماله اول ماله تالي)
ـــــــــــــــــــــــــــــــــــــــــــــــــــ
(1) مقطع من قصيدة للشاعر الرا حل عبدالصاحب ملا عبيد سنة1954