نسيتون

نسيتون
ـــــــــــــــــــــــــ حسين الهلالي
نسيتون صدك
يوانتوا تتناسون
وانا الخليتكم وي ماي العيون
×× ×× ×× ×× ×× ××
نسيتون 0000!!!!
ونسيتوا الحزن والدمعات
وانا اللي نشفتها وهانت الكلفات
ايا عمري الكضيته اوياك
وياودي البذلت امعاك
صدك تنكر هذا ذاك
وتعوف ارباك
وتخليني بكلب مسحون
×× ×× ×× ×× ×× ××
انت خليت ناري بالدليل اتفور
وبروحي يظل اتونها مشجور
افرش بالدروب ازهور
للصادق مع خله
وتجيني والكلب مجروح
وتكلي جرحي اخذ شله
تراهي بالكلب عله
من ابينهه ادري الشامته ايفرحون
×× ×× ×× ×× ××
وتدري كلهم ايعرفون
اهن روحين جانن وبنفس واحد
رحلت انت وعني اصبحت متباعد
اخذت الروح
وين اروح !!
اظلن بس جسم مطروح
بلايه روح
متى اتردلي النفس والروح ؟!
×× ×× ×× ×× ×× ××
اظل اتنطر نوالك ؟
وانت مغيره احوالك !!!
عود اطري على بالك 0000
جنت بيامك الفاتت
ويحن عليّ دلالك
وترد وتراجع الذاتك
وتقول :
هسه آني حسبته مات
مثل الوادم الماتت
ولا بصبحي يصبحني
ولا بالمسا يماسيني
ارين انسه اسنيني
ولاخرب كحل عيني
ولا سحن دمع واتلف العيون
نسيتون صدك
يو انتوا تتناسون