منتديات شاشا للهلالي

عزيزي اذا كنت عضوا في المنتدى اضغط على زر الدخول
واذا كنت زائرا يسعدنا ويشرفنا انضمامك لأسرتنا الثقافية في منتدى شاشا للهلالي
لذلك اضغط تسجيل .

منتديات ثقافية تحتوي على الأدب والفن ودراسات أخرى آثارية واجتماعية

منتديات شاشا للهلالي تهتم بالامور الثقافية من أدب وشعر وفنون تشكيلية وخواطر وأيضا تهتم بالقصة والرواية والموروث الشعبي والفلكلور وهناك ابواب عن جذور لفن السومري والمسرح وكل ما يمت للثقافة بصلة ..
شاشا هي زوجة أوركجينا أول مصلح في مدينة جرسو ( تلو ) التابعة إلى لكش ، وقامت بأعمال إدارية ودينية إصلاحية كثيرة في زمن زوجها ..

دخول

لقد نسيت كلمة السر

المواضيع الأخيرة

» قصيدة همسات للشاعر العراقي عبدالله النائلي
الأحد يونيو 29, 2014 1:49 am من طرف مصطفى الروحاني

» قصيدة هبة الله للشاعر العراقي عبدالله النائلي
الأحد يونيو 29, 2014 1:45 am من طرف مصطفى الروحاني

» رثائية حبيب للشاعر العراقي عبدالله النائلي
الأحد يونيو 29, 2014 1:44 am من طرف مصطفى الروحاني

» تعبان مثل العشگ
الإثنين أكتوبر 17, 2011 2:23 pm من طرف الفراشه الحالمه

» اشتقت اليـــــــك
الإثنين أكتوبر 17, 2011 3:20 am من طرف الفراشه الحالمه

» اخاف عليك من روحي
الإثنين أكتوبر 17, 2011 3:14 am من طرف الفراشه الحالمه

» نهر عطشان
الإثنين أكتوبر 17, 2011 3:08 am من طرف الفراشه الحالمه

» مرثية ليست اخيرة
السبت يونيو 18, 2011 7:00 pm من طرف سامي عبد المنعم

» رحيم الغالبي ..... لك العافية
السبت يونيو 18, 2011 9:16 am من طرف كامل الغزي

» تجليات الفنان الفطري حمد ماضي
الجمعة مايو 27, 2011 11:21 am من طرف كامل الغزي


    الخرانيب وقصيدة اخرى لعبد الواحد معله

    شاطر
    avatar
    حسين الهلالي
    المدير
    المدير

    عدد المساهمات : 125
    تاريخ التسجيل : 27/06/2009

    الخرانيب وقصيدة اخرى لعبد الواحد معله

    مُساهمة من طرف حسين الهلالي في الخميس ديسمبر 02, 2010 7:04 pm

    المورث في الشعر الشعبي
    قصيدة الخرانيب
    لعبد الواحد معله النجفي
    عبد الواحد معلة من الشعراءالقلائل الذي يعتني بلفظة المفردة الشعرية فهي مدروسة عنده لاتهبط الى مستوىالسذاجة ولاتكون متدنية، وهي ليست غليظة بل هي رقيقة تجعل القاريء يستسيغها ويتعاطف معها ،زارني الراحل في التسعينات وقضى ليلة عندي حتى الصباح مع الراحل عبد الواحد الهلالي وسجلت له هذه القصيدة بصوته، لكن مع الأسف فقدت الشريط

    رائعة :عبد الواحد معله



    امن يدي وياذنب تجينه الايام اشيجني السكه العوسج والخرانيب
    آنه ومو سواي ابهاي ينلام لان ما اثرّت بيّّّ التجاريب
    ***********
    كل ما صار بيّ حيل وياي استاهل بعد .... اكثر.... واكثر
    جي ماحسّبت لحساب دنياي واللي صابني لاتظن أثّر
    آنه احركت روحي وشمعةاصباي اضوّي لعد غير خاف يعثر
    حسبالي الفضل بالفضل ينسام وبالطيب ايتجازه اليعمل الطيب
    اثاريني جليل الراي وهّام اريد امن العواهر تعرف العيب
    ***********
    على نفسي جنيت وما توانيت ولا كعّيت روحي .. وحاسبتها
    وهسه اتشوف بتله الظعن ظلّيت وعافتني الرفاكه ..الما عفتها
    عود الساعه حسّيت وتوعّيت عكب ما ذبت بعيني خفتها
    بالخطه نكدته امرصرص ونام ألجه وصار منكد للواعيب
    يمين الله لحط جويه اعله الابهام جويه التظل تدّي لآ خر الشيب
    *********
    ولو جويات كثره الغدت بالايد اشما يبرن الي منهن علامه
    يهونن لاجن اليكلفني ويجيد والاكثر على نفسي الملامه
    بسبب مديت ايدي وحطو القيد بيها الجنت اظن بيهم شهامه
    والجنت اعتقد للقيد فصّام وعليه جنت آنه احنن حنة النيب
    جتّفني و رماني ابّير الاعدام ولايلحك علي شيخ الجلاليب
    **********
    جان الواجب باول المهداد اشوفه اكحيل لو بس المحاجيل
    وعود اعليه اراهن لو شفت جاد ابعزمه وصاريركض بأول الخيل
    وكلت من عثر هاذي عثرة اجياد وخدعتني معارف تفش وشليل
    اتمايز شكل وانظر الهندام لجن ياخيبة اللي المبراهنه* ايخيب
    الكد بيه ما يوصل للجدام ابمجانه وغلبته حتى المغاليب
    **********
    غير ايكون وحده ..اثنين وتصير عبره واعتبر عبره الزماني
    غير ايكون اكوم احسن التدبير وخلّي هاي ترجيه بذاني
    غير ايكون عندي ايصي تفكير واعي واحذر امنتللي جواني
    كل هذا وانه ساهي الفكر خام ابوهم حدار نوبه ونوبه تغريب
    امن ايدي وياذنب تجنيه الايام اشيجني السجه العوسج والخرانيب
    آنه ومو سواي ابهاي ينلام بسبب ما اثرت بيّ التجاريب
    وهذه القصيدة التي يظهر فيها عبد الواحد المعله كمجدد للقصيدة العمودية ويظهر قدرته على التلاعب بالقافيةوجمالها
    وربطها بوحدةالقصيدة لتعطي سبكا ومعنامتماسكا
    وهي رداعلى رسالة صديقه الحاج عبد العباس الرويشدي ارسلها اليه سنة1951وهي من وزن مجزوء التجليبه

    اعيوني امساهرات الليل
    ـــــــــــــــــــــــــــــــــــــــــ
    عيوني مساهرات الليل وعيون الخلك نومه
    على ولفه اليريد اينوح ليش الوادم اتلومه
    ×××××××××××××××××××××
    اكتابك من وصلني اوبيه تنشدني على حالي
    لاني من الهوى نشوان ولاني امن الترف سالي
    اكضي ليلتي سهران ونامت عين عذّالي
    ابات ابليلة الملسوع اغذايه بس ونين وروع
    متوسد جمر ودموع
    الخلك هل الليل جل حارس امخليني على انجومه
    ×××××÷××××××××××××××××××
    اراعي النجم طول اليل اراعيه بقلب ولسان
    ينجم الليل متكلي ليش لهل وكت سهران
    جن آنه الهوى فتني ودعاني مسهر اولهان
    هم انت الهوى صابك واللي نابني نابك
    وهم ملّتك احبابك
    وهم مثلي بسلامتهم الكلبك زادو اهمومه
    ××××××××××××××××××××××
    لاموني او ملوني ورموا كلبي بسهم فتاك
    جفوني كل اهل ودي هلّي ساهرت وياك
    ارعاك او تراعيني وعيني شابحة لعيناك
    واحسب ضيّك اليسري دمعت عينك التذري
    مثل ادموعي التجري
    حكك لو جنت تهوه الهوى هذا الذي ايسومه
    ××××××××××××××××××××
    الهوى فتنه بحكم شرعه ودعانه بالونين انبات
    نحلان وغده بكواي يهدم معول الحسرات
    لو حسبه غدت عني تخلفها عشر حسبات
    تجي حسبه تسليني تاخذني اوتوديني
    وتر حسبه تخليني
    مثل ام الوحيد الراح عنها وبكت مالومه
    ××××××××××××××××××××××××
    يصاحب حالتي هذي اومن عدها اصيح الداد
    العت من النجف بالهم كلت اسله الهوى اببغداد
    الذي من نوشته يخلص النوشه يعتني وينصاد
    كلت مالي كلب يهوه جه لن بالهوى اتجوّه
    اثاري للحسن قوّة
    قوّ!ه على البعد تجذب مو باللمس محكومه
    ×××××××××××××××××××××××
    قوّه ا و جاذبيّتها مصدرها اللحاظ السود
    اعتنيت اشراكها برجلي خاف اتظن خذتني ابجود
    بس ماصارت بالنوجه صحت يامن يردني اردود
    اصيح اومابكالي راي وحشم خلتي وخواي
    ماواحد سمع نخواي
    بس منهم سمعت اللوم اوعندك هاي معلومه
    ×××××××××××××××××××××
    يروحي شما تريد اتلوم خلها ، امحال تردعها
    يدولبها الهوى العذر ي وهوى ليله امولعها
    انا اشماكول عل السلوان احملها او اطبعها
    جذب وارجع مثل ماروح وزيد على الجروح اجروح
    مااملك رسن للروح
    الما يملك رسن بيده ايصير ايجول بالحومه







      الوقت/التاريخ الآن هو السبت نوفمبر 18, 2017 6:00 am