منتديات شاشا للهلالي

عزيزي اذا كنت عضوا في المنتدى اضغط على زر الدخول
واذا كنت زائرا يسعدنا ويشرفنا انضمامك لأسرتنا الثقافية في منتدى شاشا للهلالي
لذلك اضغط تسجيل .


انضم إلى المنتدى ، فالأمر سريع وسهل

منتديات شاشا للهلالي

عزيزي اذا كنت عضوا في المنتدى اضغط على زر الدخول
واذا كنت زائرا يسعدنا ويشرفنا انضمامك لأسرتنا الثقافية في منتدى شاشا للهلالي
لذلك اضغط تسجيل .

منتديات شاشا للهلالي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات ثقافية تحتوي على الأدب والفن ودراسات أخرى آثارية واجتماعية

منتديات شاشا للهلالي تهتم بالامور الثقافية من أدب وشعر وفنون تشكيلية وخواطر وأيضا تهتم بالقصة والرواية والموروث الشعبي والفلكلور وهناك ابواب عن جذور لفن السومري والمسرح وكل ما يمت للثقافة بصلة ..
شاشا هي زوجة أوركجينا أول مصلح في مدينة جرسو ( تلو ) التابعة إلى لكش ، وقامت بأعمال إدارية ودينية إصلاحية كثيرة في زمن زوجها ..

دخول

لقد نسيت كلمة السر

المواضيع الأخيرة

» قصيدة همسات للشاعر العراقي عبدالله النائلي
حسن الشموس Icon_minitimeالأحد يونيو 29, 2014 1:49 am من طرف مصطفى الروحاني

» قصيدة هبة الله للشاعر العراقي عبدالله النائلي
حسن الشموس Icon_minitimeالأحد يونيو 29, 2014 1:45 am من طرف مصطفى الروحاني

» رثائية حبيب للشاعر العراقي عبدالله النائلي
حسن الشموس Icon_minitimeالأحد يونيو 29, 2014 1:44 am من طرف مصطفى الروحاني

» تعبان مثل العشگ
حسن الشموس Icon_minitimeالإثنين أكتوبر 17, 2011 2:23 pm من طرف الفراشه الحالمه

» اشتقت اليـــــــك
حسن الشموس Icon_minitimeالإثنين أكتوبر 17, 2011 3:20 am من طرف الفراشه الحالمه

» اخاف عليك من روحي
حسن الشموس Icon_minitimeالإثنين أكتوبر 17, 2011 3:14 am من طرف الفراشه الحالمه

» نهر عطشان
حسن الشموس Icon_minitimeالإثنين أكتوبر 17, 2011 3:08 am من طرف الفراشه الحالمه

» مرثية ليست اخيرة
حسن الشموس Icon_minitimeالسبت يونيو 18, 2011 7:00 pm من طرف سامي عبد المنعم

» رحيم الغالبي ..... لك العافية
حسن الشموس Icon_minitimeالسبت يونيو 18, 2011 9:16 am من طرف كامل الغزي

» تجليات الفنان الفطري حمد ماضي
حسن الشموس Icon_minitimeالجمعة مايو 27, 2011 11:21 am من طرف كامل الغزي


    حسن الشموس

    avatar
    سامي عبد المنعم
    عضو
    عضو


    عدد المساهمات : 29
    تاريخ التسجيل : 24/07/2009

    حسن الشموس Empty حسن الشموس

    مُساهمة من طرف سامي عبد المنعم الأحد أكتوبر 24, 2010 10:59 am

    من القصائد الغير منشوره
    للشاعر مظفر النواب
    سامي عبد المنعم
    {حسن الشموس}
    أطرن هورها امصكك
    واصيحهن عليك اجروح
    يجحلن چالمطبجات الزرگ
    صلهن يشوغ الروح
    واجيك اشراع ...ماهواشراع
    عريانه سفينة نوح
    اصيح اشاه ... مابياش
    يبني جحلت يبني
    ويجيني امن الرضاع الحيل
    موش امك واندهلك...
    أشيلن حملك امگابل أنگلنه
    وأشيلك شيل
    أكابر... وانه اطر الهور
    وأعدل ظهري للشمات
    چني امگابل ويه الريل
    أصدن لليصد ليه ابشماته
    وفوگ اشيلن بيرغ الدفنه
    عمد للسيل
    كلها اولا شماتة عدو...
    يتشمشم خبر موتك وراي ابليل
    يازين الذي ابطرواك
    دلتنه الچبيره اتگوم للخطار...
    مهره من بنات اكحيل
    نجمتها عزيزه اتدگ غمامة ليل
    واتشگ اللهب ...
    لنهه ابغمامة هيل
    يا شبة وسط بيتي ...
    التشيل السگف والخطار
    والدنيه الثجيله... والبرانو شيل
    چن ظلمه مچانك يبني بالديوان
    والوحشات...
    ايدبچن بالضماير حيل
    چن عينك مرارة كوسج...
    ايعارچ بحر يبني
    وخبر موتك نهاية سيل
    هوره...
    اوكل گصبها ايخرخش ابموتك
    أوروحي ويه الچبايش چنها تتگلگل
    چباشه ... او راحت ويه الليل
    تتراكس وراك امراكس أو تثگل
    چباشه امفلشه ... ذبني عليك الزود
    ايعطل اگليبي عيب اعطل
    يمن جبت الحزب لبيتنه امعگل
    والتمت سواليف السلف ...
    كلها اتسولفلك
    او تعافت بيك خبزتنه
    چثيره ادلال ...
    گامت نارها العطات دلتنه
    چثيره احگوگ حزمها الحزب لليل
    تفاگه ... اوتنومس ماي مدتنه
    تفايض مسچ بالعتبه
    وتشگگ ورد من داير ردسته
    او فوگ شبتنه
    او تساندنه ... متن يسند متن
    ومتون لمتنه
    ولا مرت ليالي ابغير گمره
    الگمره ... گمرتنه
    الشمس كلها شمسنه
    ونجمة الصبحيه نجمتنه
    واجت نجمه ...
    اوغفت بالبردي النواطير
    او لن الريح طرتنه
    حسافه انچفت دلتنه
    وتگلگل بيت المعازيب
    ياكل الحسافه ...
    امشردين ابشمس ديرتنه
    وتطشرن كل سوالفنه
    وتمزگت ذيچ لمتنه
    وغدت لن السلف مجزره
    ولا چنهه بيارغنه سمه الدنيه
    ولا چنه ...
    ياعيبة العيبه يهلنه وخيبة الضنه
    حزبنه اليوم يبني امعگل ابحزنه
    حزبنه ايدير عينه ايگلب الدنيه
    اوسكته...
    اتمطر الصحوه المشمسه
    مطرة المزنه
    حزبنه ما ايريد ازلام ...
    تتمايل عگلها اوي الهوه
    او تتوهم ابجنه
    حزبنه اليوم ... يتهمهم عليها
    وما ايعرف الگعده والهدنه
    الطريج الزين المغني المرابع
    والهلاهل طرزن ردنه
    ايهبه ... الگلك ممحله الگاع
    طرتها صباخة ظيم او ضكتها
    اوگلبناها او غدت دهله
    تشگگ بيها ريحان اللي منها
    ويحمل اشتاها وصبخها وظيمها
    والخابط المنه
    النشامه ...
    الما انبيع اگشاشه من اترابنه ابجنه
    النشامه ...
    الما انساوم على حگ اظفر
    ننطي ارواحنه الكل طيب المعشر
    اخذ ليل اليضوي اسيوف
    من اسيوفنه ايگطر...صبح اخضر
    واگلك يبني يمشكر
    تدوهن... حشه گدرك
    كل حكم اگبل على المعبر
    تدوهن ...
    واحنه... بس احنه اهلها
    اعله الزلگ نگدر
    تدوهن ...
    والفلح جابته يضحك يبچي للمحشر
    بلايه الفلح ... ماتطلع شمس زينه
    ولاهو الغيم يتمطر
    جزيره ابغير شد احزام ...
    او صف ارصاص ماتنطر
    يلضميت من ثارات
    اهن ثارات من ثارات
    حگ اودم... وراهن ليل ومساهر
    وراهن ليلتن ليله
    وزغير احسابهاابموزر
    يحزب حسين ...
    ماننساش حگنه او حگ المناطر
    تراهو ازماطنه ابزيجك
    اخذها امناحر امناحر
    لجل عيناك ...
    مامش عالجروح احساب ولانهوه
    لجل عيناك ...
    يلتسوه الگباحه... اوتسوه ماتسوه
    تفگ ...
    وابغيردشر اوشدحزم ورصاص
    ما نهوه
    خذوها ابگوه... عينك عينك
    نستافيها بالگوه
    يحزب حسين ...
    بس منك علامه ... انسچ عليهم سچ
    اندچهم حيل بالدم دچ
    حگ ابحگ ... او دم ابدم
    يلن حگ الذي ينلاچ ...
    وانسولف عليه اهواي ... يتعلچ
    هلابه ... هلابه
    هلابه زلمتن مارخه للشدات وترچرچ
    هلابه الدم على البارود
    ورصاص اليسبچ الشمس يتسبچ
    هلابه باليدليني الحفرتك يومها يبني
    واحني الطين ...
    واحط اترابك ابحضني
    وائلولي ابريه مرديه ... وخلگ عشرين
    چن تينة ربيع اتهز ثمرها ابگلب البساتين
    چن ماي الحصو الابيض ...
    ايهلهل روج ويزهلل
    واشيل اترابك اعله الراس
    لبيوت الگصب ...
    والغاگه والغرنوگ ... وانهلهل
    هله وليدي ... هله وليدي
    هله وليدي ...
    الضوة بيك الچباشه الظلمه والمنزل
    هله وليدي ...
    واحطلك نار ... واكسرلك شمس
    وابچي ابشليلك سل
    واگلك يبني شچيني الدهر وياي متبدل
    مامش فوي ... او مامش للرمل من ساس
    مذلوله... ابزويت البيت
    لازمر اليگعد الروح ولا ادلال التشيل الراس
    چا وين المعگل ...؟
    واليعرف الخبزه بالنوماس
    وين اللي تگص الراس صيحاته ...؟
    وايحني الچف المفطر
    وين البيرغ المنذور للشدات ...؟
    چاهيه غدت كلش ...؟ ولاخنجر...؟
    صنطه الدنيه ... لابيرغ ايرف بيها
    ولا زمر اتفگه بشر
    وچن الگصر الابيض بالرخاوه ايحيض
    الوليلك ... الوليلك ...
    واگلك يبني شگها اعريض
    وزان او فلتها ...
    وگامت الدنيه نجابه اتفيض
    واتصلخ ابلحم الحي ...
    واصيحن والده او جيتك
    ابعرف الثار طلابة دول يبني
    اجينالك ... او مامش زود
    دم ابدم ... ونارابنار
    وزلام التساوم حگ شواربها الشعب
    واشوارب الثوار ... للثوار
    چاهوه لعب دم الشعب يبني ...؟
    چاهوه الشرف شكلين ...؟جاوبني
    صفت يبني ... الچاتل حگ اله
    واحنه ابحلگلنه الدم... ومامش حگ
    صفت چنها اتداوه ابضرگة اللگلگ
    صفت كلش ممحله...امدلهمه
    ولا خبر ويه الريح ايبشر ابديم
    صفت زيزايه ... هيمه
    اوها يلن صاحبنه المعگل على اكحيله
    ايسوگ الغيم ذيل احصانه المحومر
    گصيبة شمس...والحافرحجل
    والگذله شيلة ظيم
    رد الماي للهوره ...
    ورجع حمريها يتلاعب لعب
    والتفگ...خزامة ذهب بخشومها وگمره
    او صهيل اكحيل
    هلهلن...ياتفگ زرگات روسيات
    اوخيطن اول الريح ابتواليها واشخطن ليل
    هلهلن ... والدلال اترد لهلها
    وشعر المعرسه شليلة هيل
    وانصعد الهلال اعله الفشگ ...
    گبل الشهر ترمن
    وتاخذني ابهواك الروح ...
    اطرن هورها امصكك
    واصيحهن عليك اجروح
    حسن يبني ... حسن
    جبنه عروسك ياحسن
    خبزة دهن حلوه
    حسن يبني...الشمس صاغت خشلها
    ودگت النجمه نفسها ابطارف الغطوه
    حسن يبني... بچاها اهلال
    كل نگدة گلب ودموعها اتخورسلك ابهدوه
    وغدت فضه...اصابعها ...
    ومشطها ... وثوب دخلته
    شگللها ...؟ الدمع سلوه
    اوتعنت عگدة الگذله التحبه ...
    اباب المعاتب ... اودگتهه
    يا ايام الشعب يمظلمه ابگوه
    اجينه البابچ امفاريع ...
    يا قصة شعبنه...وياغناني الليل
    طولتي علينه المده والغيبه
    اجينه اگاده ...
    للصدره عريض اوروشته هيبه
    اجينه اندگلچ ابحرگه
    وانگلچ ...
    على الليل اشكثر طالت تراچيبه
    ولبس خزامه واوي الليل
    باگ التمر والنفطات وافترن دواليبه
    يا ايام الشعب ... يل عتبتچ تنزار
    وانحبها ... او نتربن بيها الگصيبه
    مترادي الوكت والزاد زاد انذال
    واندچت دول واجيال
    واستافه الوعد يومه
    وليالي الثار من دون الليالي اطوال
    هلبت يلسمعت الشعب
    گلت ايزلزل الزلزال ...؟
    هلبت يحسن...وانرد لهلنه
    ونذبح العرسك حلال اهلك وگفه اطيور
    هلبت يحسن
    هودج موتك امحنه ...
    چبير اوشايلاته الحور
    هودج موتك ... اتسلم عليه الشمس
    وزمور التفگ... والطبگه والگارور
    هودج موتك اوليدي ...
    عليه امچلچله ابشيبي
    واگلك يبني يمغرب...عليك الله
    عليك الله ان بطيت ابديرة الغربه
    تراهو الوكت مو طيب
    عليك الله... تراني الوالده
    او ماليش غيرك ياحسن واعتب
    واخافن ذاك المعگل ايمر بينه...
    اويندهك توگف ابصدر العدو ترهب
    واخافن يوگف الهور اعله حيله
    وينشد الموزر على ابني الزين المغرب
    كل گذله اربات الليل ويه اسهيل مفجوعه
    او مسچها ابنارك ايلهلب
    ايگول الشافه...
    نخل الباديه ابطرگ اسعفات اللب
    ممشانه ثجيل...امكابر...امكابر
    مراكب...والسفينه اتفوت ليجدام
    واتهلهل
    لوتوگف دول...يسحگها شعب الهور
    چي ظيمه چبير اوگلبه شايل سل
    اطرن هورها...وكل ساع اگول ايثور
    واگولن ما ايصح گبرك ...
    ولا حطوا عليه ناطور ... ؟
    اگولن على ساعة...اويلهج الشاجور
    المعگل فضي خلگه ...
    ويعرف اشلون يعلگها او عليها ايدور
    او ها هاذه وعدها...وهاذه يوم الشگ
    اوها طرت الفجر...لنه بيان اول
    او مطر اللوز... اوصيحة حگ
    واوصلك...واگلك يبني يامذبوح
    جرح الثار هود...الاجرح الروح
    وشراعي...ايدگ شراع حزبك
    للحويزه... للفلح
    للناس كلها انروح
    مظفر النواب

      الوقت/التاريخ الآن هو الخميس مارس 28, 2024 1:21 pm