حلبچه

سامي عبد المنعم
حلبچه
صلٌه الحلبچه الجبل ..
وأطرب حزين الناي
واشتهت طعم الثدي ..
طفله وغفت بهداي
اشفاف تصرخ عطش
والموت.. رايح جاي
بالريه ضاگ النفس
والجبل صار اظلم
مسموم هذا الهوه
وريحة غدر نشتم
والناس مثل الخرز..
تتطشر او تلتم
غربان ترس السمه
اترش علينه السم
حته الشجر مختنگ
واغصانه تتألم
عصفوره ذابت حزن
تبچي على عشها
اتصيح ياديرتي
ياوحش فلشها
ظلمه وبعيد الدرب
والليل مد جنحه
ليوين نطحن حزن
ويمته الوكت يصحه
چانت سمانه فرح
واللیل موعد عشگ ..
ينطر فجر صبحه
الناس حض وبخت
واتغزر الملحه
تاليها اجانه وحش
گضاها حرب ابحرب
بيده الوطن سبحه
ايسمي الهزايم نصر
ويطرب الذبح الشعب ..
ويرگص على جرحه