منتديات شاشا للهلالي

عزيزي اذا كنت عضوا في المنتدى اضغط على زر الدخول
واذا كنت زائرا يسعدنا ويشرفنا انضمامك لأسرتنا الثقافية في منتدى شاشا للهلالي
لذلك اضغط تسجيل .

منتديات ثقافية تحتوي على الأدب والفن ودراسات أخرى آثارية واجتماعية

منتديات شاشا للهلالي تهتم بالامور الثقافية من أدب وشعر وفنون تشكيلية وخواطر وأيضا تهتم بالقصة والرواية والموروث الشعبي والفلكلور وهناك ابواب عن جذور لفن السومري والمسرح وكل ما يمت للثقافة بصلة ..
شاشا هي زوجة أوركجينا أول مصلح في مدينة جرسو ( تلو ) التابعة إلى لكش ، وقامت بأعمال إدارية ودينية إصلاحية كثيرة في زمن زوجها ..

دخول

لقد نسيت كلمة السر

المواضيع الأخيرة

» قصيدة همسات للشاعر العراقي عبدالله النائلي
الأحد يونيو 29, 2014 1:49 am من طرف مصطفى الروحاني

» قصيدة هبة الله للشاعر العراقي عبدالله النائلي
الأحد يونيو 29, 2014 1:45 am من طرف مصطفى الروحاني

» رثائية حبيب للشاعر العراقي عبدالله النائلي
الأحد يونيو 29, 2014 1:44 am من طرف مصطفى الروحاني

» تعبان مثل العشگ
الإثنين أكتوبر 17, 2011 2:23 pm من طرف الفراشه الحالمه

» اشتقت اليـــــــك
الإثنين أكتوبر 17, 2011 3:20 am من طرف الفراشه الحالمه

» اخاف عليك من روحي
الإثنين أكتوبر 17, 2011 3:14 am من طرف الفراشه الحالمه

» نهر عطشان
الإثنين أكتوبر 17, 2011 3:08 am من طرف الفراشه الحالمه

» مرثية ليست اخيرة
السبت يونيو 18, 2011 7:00 pm من طرف سامي عبد المنعم

» رحيم الغالبي ..... لك العافية
السبت يونيو 18, 2011 9:16 am من طرف كامل الغزي

» تجليات الفنان الفطري حمد ماضي
الجمعة مايو 27, 2011 11:21 am من طرف كامل الغزي


    من غرر الشعر الاجتماعي

    شاطر

    الشاعر النجفي
    عضو جديد
    عضو جديد

    عدد المساهمات : 5
    تاريخ التسجيل : 31/12/2009
    الموقع : m-11-j@hotmail.com

    من غرر الشعر الاجتماعي

    مُساهمة من طرف الشاعر النجفي في الجمعة يناير 15, 2010 11:23 am

    عافتني الاحباب بدرب مخطور***** وجان الامل تدفع عني الاخطار
    أثاري صدك هذا المثل مشهور***** اخوة وكت كعدت ليل وانهار
    -------------------------
    جنت عايز تجارب من حياتي *** كل اليبتسم لبالي صاحب
    متعود على نكران ذاتي *** كل ما تبتعد عني اجارب
    اثاري بس تسجل سيئاتي *** وتعمه عيونها عن المناقب
    لو بيهاالرمدمتشاهدالنور***** تحب درب الظلام شلون ما صار
    الأعمه الذي ميشوف معذور ***** ليش يغطي المفتح الأنوار
    (1)-----------------------
    اول اتصال الناس بيه *** شفتها ابين معجب بين مادح
    الها نفوس بالموعدسخية*** بين الجاي عاني وبين رايح
    لبالي صدك ضاعت عليه *** ما ادري بمحبتها مصالح
    آنه عليك يا الله وهي تدور***** ويه الهوه وياه منين ما دار
    محبتهم ونوع اخلاصهم زور***** وتعبي صار مثل الحطب بالنار
    (2)-------------------------
    ميخالف وفه للتعب ماريد *** مومنكم اكول الذنب مني
    بسيط ونظرتي ماجانت بعيد*** وغابت تجربات الناس عني
    ماجنت اعرف الحب لحم وثريد*** وكاس وعود والحان ومغني
    جان جنيت الكم كاس بلور ***** وجنت الزم وتر من هاي الاوتار
    وهم لوشفتو بيدي الكاس مكسور***** تنكسرون عني بغير اعذار
    (3)--------------------------
    عفتوني بوادي الوحش من غير *** وداع وهاي من عدكم خيانه
    نوب اطرد الذيب ونوبه يصير *** يمي السبع ومكشر اسنانه
    اطب للغابة تسكنها الخنازير*** ارد للوادي والذيب بمكانه
    بهالحيره واجاني السيل محدور***** من روس الجبال الماي حدّار
    شسوي هنا بعد واشأصنع الدور ***** خنازير.. وسباع.. وذيب.. وامطار
    (4)-------------------------
    صحت وين الرفاكه التدعي احباب *** وين الجانت تعيش بجهودي
    هذا السيل اجاني وهذا ارهاب *** وحوش البر اجت تعدم وجودي
    ولا واحد لفاني بيوم المصاب *** لا من خلتي ولا من وفودي
    صدك يالكلت يوم الشدّة مذكور***** يصبح خبر من اشهر الأخبار
    تعرف نفسك وتعرف الجمهور ***** وبالشدّة تظل تجربة وتذكار
    (5)--------------------------
    مع هذا وتجول بفكري أحلام *** عسه تمر خلتي بيه وتشاهد
    تشوف شلون غدرت بيه الأيام*** ولابد منهم يذب روحه واحد
    كام اللي يجيني يحطلي ألغام*** بدربي بدال ميعين ويساعد
    أحلامي مثل ظنة المغدور ***** يترجه يجي يساعده الغدّار
    لو مثل اليشوف الجمل منحور***** ويستعطف على حالته الجزّار
    (6)------------------------
    هجي ناس لا والله متفيـــد *** خطأت النفس ... وتركت الآمال
    مره تشوفها تراويك تأييد*** ومره تصير الك بالوضع عذّال
    هوه أمس نفسه ولا إجه جديد*** حال اللي تأيّد نفس هالحال
    أمس بطيخ جان وصار عنجور *** يمعوديين هوه ذاك الخيار
    انتو أهل الكنس والرش والبخور*** ونفس هاي الأيادي تحارب حجار
    (7)-----------------------
    لسان اللي مدح هوه الذي ســب *** وايد البخرت هيه التحارب
    تشوفون الزمان شلون يلعــــب *** على كل حال انتو مع الغالب
    هذا الصدك غايتكم المكسب *** المهم تخرخش جيوب الحبايب
    العباده لله ؟ لولا صنم منجور *** وين تصير بس وفّر الدينار
    سامع لعبة الطمه استخيور *** يا طمه الجبيره الها تختار
    (8)-----------------------
    صحت ذاك الوكت ياداحي الباب *** من حبك جره باعظاي دمي
    عليه صار انحداري من الاصلاب *** ويه اللبن بيه غذتني أمي
    أريدك يبوحسين بيوم الاحساب *** من كبل الجواب تصير يمي
    خادم ابنك ويشهدلي عاشور ***** واليخدم ابرار تبرّه الابرار
    يكون هناك اريد العمل مبرور***** وهنا تخلص الدنية ام الاقدار
    (9)--------------------------
    المرحوم
    الشيخ عبد الحسين أبو شبع

      الوقت/التاريخ الآن هو السبت نوفمبر 18, 2017 5:52 am